الحمام الكداب

**الحمام الكداب**

**المكونات**

اوراك دجاج مخليه وبدون جلد مدقوقه

كوب ارز منقوع لمدة ربع ساعه

كبد وقوانص الدجاج مقطعه صغير جدا

 بصله كبيره مفرومه خشن

التوابل ( رشة جوزة الطيب _ معلقه صغيره ملح _ معلقه صغيره فلفل اسود _ معلقه 

صغيره حبهان مطحون )

***الطريقه***

حطيت فى حله شوية زيت وعليها البصل والكبد وقوانص الدجاج وشواحتهم ثم حطيت 

الرز ورشة جوزة الطيب والحبهان والفلفل الاسود والملح وقلبتهم كولهم فى بعض 

وشوحتهم شويه وبعدين حطيت ميه مغليه ولما شربتها وطيت النار تحتها وغطيتها وسبتها

 تستوى نص سوابعد كدا بطفى النار واسيبه يبرد

نبتدى بقى نحشى الفراخ

 نجيب الورك ونفرده  ونرش على اللحم بتاعتها ملح وفلفل اسودوبعدين حطيت  من الرز

 وابتديت الف الفراخ

نيجى  للمهم نجيب خيط

وفى طرقتين للتقفيل

نخيطها او نقفلها بخله اسنان حسب السهل ليكى حشيت الكميه كلها وخيطهم

نيجي بقى لخطوة التسويه

جيبت حله وحطين فيها زيت وزبده  و فص مستكه وسيحتها لما المستكه ساحت والزيت 

طبعا سخن حطيت الفراخ اشوحها اديها صدمه فى الزيت والنار تكون عاليه واشوحها 

من كل الجناب وبعدين حطيت الميه بصله شرايح والتوابل ( ملح _ فلفل اسود _ حبهان 

مطحون _ ورق لورى ) وبعدين بشرت طماطم وحطيتها عليها بتديها طعم حلو فى 

الشوربه وسبتها بقى تستوى بقى براحتها وغطيتها

 شكلها بعد ما اتسلقت واستوت كويس حطيت معلقتين صلصه و حمرتها  وعصرت

 عليها ليمون 

 و حمرتها فى زبده سخنه

***وبالهنا والشفا***